Málað með skærum

á sýningunni ,,Málað með skærum” í Norræna húsinu getur að líta klippilist í sérstökum gæðaflokki eftir listakonuna Karen Bit Vejle. Karen er einn fremsti klippilistamaður Norðurlanda og setja verk hennar klippilist í nýtt samhengi en verkin klippir hún út af stakri nákvæmni og listfengi. á sýningunni býr hún til heim uppfullan af táknum og munstrum sem sum eru innblásin af tónlist en önnur koma úr náttúrunni.